DISIPLINAT E NJË FAMILJEJE TË PERËNDISHME

Përshkrim

Ndonjëherë kur shfletojmë albumin e familjes dhe arrijmë tek një foto e hershme familjare, biem në mendime. Ajo fotografi është një dëshmi e potencialit të çdo familjeje të krishterë. Çdo fëmijë është një shpirt i përjetshëm që erdhi në ekzistencë për shkak të dashurisë së prindërve të tij apo të saj, diçka që nuk mund të ndodhte kurrë me engjëjt, pavarësisht sa e madhe mund të ishte dashuria e tyre. Secili fëmijë është krejtësisht origjinal. Secili ka një kapacitet të përjetshëm për Perëndinë. Në zemër të çdo familjeje të krishterë qëndron shpresa se fëmijët e tyre do ta njohin Krishtin që në moshë të hershme dhe do të vazhdojnë më tej duke jetuar plotësisht në shërbesë.

Fytyrat e dashura në albumin tonë familjar sigurisht që na kujtojnë se ka shumëçka përpara për t’u përjetuar dhe, për shkak se kultura e një shpirti është një udhëtim i egër, edhe ulje-ngritje të forta. Por kujtojmë gjithashtu se është një udhëtim lartësues, sepse zbatimi i disiplinuar i urtësisë së Perëndisë në familje, me kalimin e viteve, ka rritur kapacitetet shpirtërore të prindërve dhe fëmijëve.